Регионот каде што ќе се реализира проектот?
Проектот ќе се реализира на територијата на Република Северна Македонија, со активности што ќе бидат достапни за учеснички од различни региони преку комбинација на онлајн и физички настани. Проектот претставува платформа за поддршка, едукација и економско зајакнување на жени и девојки преку дигитална трансформација, претприемништво и современи технологии. Целта е да се создаде инклузивна заедница која обезбедува пристап до знаење, менторство, практични алатки и можности за личен и професионален развој. Преку обуки, дигитални ресурси, вмрежување и поддршка за развој на кариера и бизнис, платформата ќе им помогне на жените во различни фази од нивниот професионален развој – од оние кои го започнуваат својот кариерен пат, до претприемачки, независни професионалки и сопственички на компании кои сакаат да ги унапредат своите дигитални знаења и деловни капацитети. Посебен фокус ќе биде ставен на развојот на дигитални вештини, практична примена на алатки базирани на вештачка интелигенција (AI), користење AI агенти, автоматизација на процеси, како и креирање дигитални производи и прототипи без потреба од програмерско предзнаење. Проектот има за цел да придонесе кон поголема економска независност на жените, поттикнување на женското претприемништво и создавање одржлива заедница за меѓусебна поддршка, соработка и развој во дигиталната економија. Како завршна активност ќе се организира хакатон со примена на „vibe coding“ пристап, каде учесничките ќе развиваат иновативни технолошки решенија и ќе ги презентираат своите идеи и прототипи пред стручна публика.
Целна група: Кому ќе му помогне проектот?
Проектот е наменет за девојки и жени од различни возрасни групи и професионални профили кои сакаат да ги унапредат своите дигитални вештини, да ја зголемат својата конкурентност на пазарот на труд и да ги искористат можностите што ги нудат современите технологии и вештачката интелигенција. Целната група ги опфаќа ученички, студентки, невработени жени, вработени кои сакаат да ги надградат своите знаења, независни професионалки, фриленсерки, претприемачки, сопственички на микро, мали и средни претпријатија, како и жени кои сакаат да започнат сопствен бизнис или да развијат нови дигитални производи и услуги. Посебно внимание ќе биде посветено на жените кои имаат ограничен пристап до современи технологии, практични обуки, менторство и професионални мрежи, со цел да се намалат дигиталниот јаз и бариерите за економско учество. Преку едукативни програми, менторство, практична работа, вмрежување и заедница за поддршка, проектот ќе им помогне на учесничките да стекнат применливи дигитални и AI вештини, да ја зголемат својата вработливост, да развијат претприемачки компетенции и активно да учествуваат во дигиталната економија.
Кој може да учествува во проектот?
Во проектот можат да учествуваат девојки и жени кои имаат интерес да ги развијат своите дигитални и претприемачки вештини и да стекнат практични знаења за користење на современи технологии и вештачка интелигенција. Право на учество имаат ученички, студентки, невработени и вработени жени, независни професионалки, претприемачки, како и жени кои планираат да започнат сопствен бизнис или да ги унапредат своите дигитални компетенции. Претходно техничко или програмерско искуство не е потребно. Учесничките ќе можат да се вклучат во обуки, менторски активности, вмрежување, практична работа и завршниот хакатон, каде ќе развиваат иновативни решенија со користење на AI алатки и no-code технологии. Проектот е отворен за сите заинтересирани кои сакаат да учат, да соработуваат и активно да придонесат кон сопствениот професионален и личен развој.
Дали може волонтери да се ангажираат во проектот? Доколку да, како?
Да. Проектот предвидува можност за вклучување на волонтери кои сакаат да придонесат во организацијата и реализацијата на активностите. Волонтерите ќе можат да се ангажираат во логистичка и организациска поддршка на обуки, работилници и настани, комуникација со учесници, промоција на проектните активности, поддршка при креирање дигитални содржини, координација на заедницата, како и помош при организацијата на завршниот хакатон и презентацијата на финалните решенија. Покрај практичното искуство, волонтерите ќе имаат можност да стекнат нови знаења за дигитална трансформација, вештачка интелигенција, организација на настани, работа во тим и управување со заедници, како и да се поврзат со професионалци и други учесници во проектот.
Кои цели треба да се постигнат со проектот?
Да се креираат нови дигитални решенија со фокус на долгорочни инкрементални промени со цел осамостојување на семејствата кои зависат од социјална помош
