Креативна станица - од отпад до вредност

Регионот каде што ќе се реализира проектот?
Проектот ќе се спроведува во североисточниот регион на Република Северна Македонија, со активности поврзани со општините Кратово и Крива Паланка. Работилниците ќе се одвиваат во рурална средина, во село Страцин, во приватен објект кој е ставен на располагање преку донација за потребите на проектот. Просторот е погоден за реализација на креативно-едукативни активности и овозможува користење на внатрешни и надворешни капацитети за работа и соработка.


Целна група: Кому ќе му помогне проектот?
Целна група на проектот се ученици од средношколска возраст од општините Кратово и Крива Паланка. Проектот ги вклучува во креативни и едукативни активности поврзани со реупотреба на текстилен отпад, со цел развивање на еколошка свест, креативност и тимска работа. Исто така, проектот ја вклучува и локалната заедница преку волонтерско учество и поддршка на активностите.


Кој може да учествува во проектот?
Во проектот можат да учествуваат ученици од средношколска возраст од општините Кратово и Крива Паланка, како и локални жители кои ќе се вклучат како волонтери во поддршка на активностите. Учеството е доброволно и отворено за сите заинтересирани кои сакаат да придонесат кон еколошки и креативни активности во заедницата


Дали може волонтери да се ангажираат во проектот? Доколку да, како?
Да, во проектот се предвидува ангажирање на волонтери. Волонтерите ќе бидат вклучени во две категории: локални жители кои ќе помагаат во организација, селекција и подготовка на материјали, како и ученици кои доброволно ќе учествуваат во креативните работилници под менторство. Сите волонтерски активности се засноваат на доброволност и насочени се кон поддршка на еколошките и едукативните цели на проектот.


Кои цели треба да се постигнат со проектот?
„Креативна станица“ е иницијатива насочена кон трансформација на локалниот текстилен отпад во уметнички дела со трајна вредност. Преку практични и менторски работилници, директно ги вклучуваме младите од Кратово и Крива Паланка во процесот на одржливо творештво. Целта е суштински да ја смениме јавната перцепција и да покажеме дека отпадот може да биде примарен извор на корисни материјали за работа. Овој проект ја активира целата локална заедница, поттикнувајќи еколошка одговорност преку силата на креативното здружување.